Krishi Desh

For Bharat and Bharati

श्रावणमासी हर्षमानसी

Posted by संदीप नारायण शेळके on August 12, 2011


श्रावण मास

श्रावणमासी हर्षमानसी हिरवळ दाटे चोहिकडे
क्षणात येती सरसर शिरवे क्षणात फिरुनी ऊन पडे

वरती बघता इंद्रधनुचा गोफ दुहेरी विणलासे
मंगल तोरण काय बांधले नभोमंडपी कुणी भासे

झालासा सूर्यास्त वाटतो, सांज -अहाहा तो उघडे
तरुशिखरांवर उंच घरांवर पिवळे पिवळे ऊन पडे

उठती वरती जलदांवरती अनंत संध्याराग पहा
सर्व नभावर होय रोखिले सुंदरतेचे रुप महा

बलाकमाला उडता भासे कल्पसुमांची माळचि ते
उतरुनि येती अवनीवरती ग्रहगोलचि की एकमते

फडफड करुनि भिजले अपुले पंख पाखरे सावरती
सुंदर हरिणी हिरव्या कुरणी निजबाळांसह बागडती

खिल्लारे ही चरती रानी गोपही गाणी गात फिरे
मंजूळ पावा गाई तयांचा श्रावण महिमा एकसुरे

सुवर्ण चंपक फुलला विपिनी रम्य केवडा दरवळला
पारिजातही बघता भामा रोष मनीचा मावळला

सुंदर परडी घेऊनि हाती पुरोपकंठी शुध्दमती
सुंदर बाला या फुलमाला रम्य फुले पत्री खुडती

देवदर्शना निघती ललना हर्ष मावे ना हृदयात
वदनी त्यांच्या वाचून घ्यावे श्रावण महिन्याचे गीत

-बालकवी (श्री. त्र्यंबक बापुजी ठोंबरे)

About these ads

4 Responses to “श्रावणमासी हर्षमानसी”

  1. Sarika said

    नमस्कार,

    हि वेब साeट फारच छान आहे. परंतु मला यात बाल कवींची श्रावण मासी हि कविता सापडली नाही. जर ती कुणी छान लयबद्ध ने म्हटली असेल तर जरूर मला एमैल करा अथवा लिंक पाठवा.

  2. Namaste Sarika,

    Bhet dilyabaddal abhari aahe.
    Mala ajunahi tashi kavita sapadali nahi. Sapadalyas nakki pathavel.

    Jay Bharat!

  3. Hemant Gothoskar said

    can someone explain meaning of पुरोपकंठी शुध्दमती

    I shall be grateful

  4. ReignForrest said

    Aha. Here’s the explanation. It does NOT have anything to do with the non-word “पुरोप”! It is a combination of पुर (= city, town, शहर, गाव) and उपकण्ठ (= edge, border, सीमा).

    शुध्दमती अन् सुंदर बाला सुंदर परडी हाती घेऊनि फुलमाला आणि रम्य फुले-पत्री खुडती.

    कुठे? तर पुरोपकंठी — गावाच्या सीमेवर !

What do you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
Follow

Get every new post delivered to your Inbox.

Join 469 other followers

%d bloggers like this: